خانه / خبر / مردم بیش از ۶۰۰ میلیون افغانی به معارف کمک کرده‌اند

مردم بیش از ۶۰۰ میلیون افغانی به معارف کمک کرده‌اند

مسؤلین وزارت معارف اعلام کرده‌اند که شهروندان ۲۰ ولایت کشور در شش ماه نخست امسال، بیش از ۶۰۰ میلیون افغانی به معارف کمک کرده‌اند.این کمک‌ها از سوی باشندگان ولایت‌های خوست، دایکندی، کاپیسا، میدان‌وردک، سرپل، بامیان، پنجشیر، سمنگان، بادغیس، قندهار، بلخ، نیمروز، کابل، هلمند، جوزجان، لوگر، هرات، پکتیا و پکتیکا به معارف صورت گرفته‌است.

به گزارش خبرگزاری تماس، “نوریه نزهت”، سخنگوی وزارت معارف گفت که سطح کمک‌های باشندگان ۲۰ ولایت به ۶۶۲ میلیون و ۶۶۱ هزار افغانی می‌رسد و قرار است به‌زودی آمار کمک‌های باشندگان ۱۲ ولایت دیگر به معارف را همگانی کنند.

او افزود که افزون بر کمک‌های نقدی، شهروندان افغان حدود ۴۰۰ جریب زمین از ملکیت‌های شخصی‌شان را به هدف احداث ساختمان مکاتب به معارف اهدا کرده‌اند.

وزارت معارف سال‌های ۱۳۹۷ الی ۱۴۰۹خورشیدی را «دهۀ معارف» نام‌گذاری کرده‌است.
#انتهای_پیام

درباره admin

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *